ស្ថាបនាលីមីតធីត

ប្រវត្តិស្ថាបនាលីមីតធីត

ស្ថាបនា លីមីត​ធី​ត ត្រូវបាន​បង្កើតឡើង​ក្នុង​លក្ខណៈ ជា​អង្គការក្រៅរដ្ឋាភិបាល​នៅក្នុង​ឆ្នាំ ១៩៩៥ ក្រោម ​ឈ្មោះថា ស្ថាបនា​សហគមន៍​កម្ពុជា (​ហៅ​កាត់​ថា​CCB) ដោយ​ផ្ដល់​សេវាកម្ម​អប់រំ​ផ្នែក​សុខភាព និង ហិរញ្ញវត្ថុ​ដល់​សហគមន៍​ក្រីក្រ​។ បន្ទាប់​ពី​ប្រាក់​ជំនួយ ត្រូវបាន​បញ្ចប់​នៅ​ចុងឆ្នាំ ១៩៩៩ ស្ថាបនា​សហគមន៍​កម្ពុជា បាន​អនុវត្ដ​វិធីសាស្ដ្រ​មីក្រូហិរញ្ញវត្ថុ​តូច​មួយ ផ្ដោត​ទៅ​លើ​សេវាកម្ម​ឥណទាននិង​សេវា ប្រាក់​បញ្ញើ​-​សន្សំ​តែប៉ុណ្ណោះ​។ ជា​លទ្ធផល ប្រតិ​បត្ដិការឥណ​ទានបាន​ផ្លាស់ប្ដូរ​បន្ដិច​ម្ដងៗ ពី​ឥណទាន​ក្រុម​ក្នុង​ភូមិ​ទៅ​ជា​ការ​កម្ចី​ជា​ក្រុម ដែល​មាន​មនុស្ស​ច្រើន​នាក់ និង កម្ចី​ឯ​កត្ដ​ជន​។​​ស្ថាបនា សហគមន៍​កម្ពុជា បាន​ធ្វើការ​ផា្លស់ប្ដូរ​ទៅ​ជា​ស្ថាប័ន​មីក្រូហិរញ្ញវត្ថុ ដែល​មាន​អាជ្ញាប័ណ្ណ​។ ស្ថាប័ន​បាន​ចុះបញ្ជី​ជាមួយ​ក្រសួង​ពាណិជ្ជកម្ម​នៅ​ក្នុង​ខែ កុម្ភៈ ឆ្នាំ ២០០៣ ក្រោម​ឈ្មោះ​ថ្មី​ថា “​ស្ថាបនា​សហគ្រិន​កម្ពុជា លីមីត​ធី​ត​”​។ នៅក្នុង​ខែ មេសា ឆ្នាំ ២០០៣ ស្ថាប័ន​បាន​ទទួល​អាជ្ញាប័ណ្ណ​ជា​គ្រឹះស្ថាន​មីក្រូហិរញ្ញវត្ថុ​ពី ធនាគារជាតិ​នៃ​កម្ពុជា​។ ឈ្មោះ​ក្រុមហ៊ុន​ត្រូវបាន​ប្ដូរ​ទៅជា ស្ថាបនា លីមីត​ធី​ត (SPN) ដែលមាន រូប​រាជសីហ៍​ជា​ស្ដេច​សត្វចតុបាទ​ជា​និមិត្ដ​សញ្ញានៅ ក្នុង​ឆ្នាំ ២០០៨​។ ស្ថាបនា លីមីត​ធី​ត ជា​ស្ថាប័ន​ទីមួយ​ដែល​បាន​ទទួល​អាជ្ញាប័ណ្ណ​កេណ្ឌ​ប្រមូល​ប្រាក់​បញ្ញើ​-​ សន្សំ ពី​ធនាគារ​ជាតិ​នៃ​កម្ពុជានៅ ក្នុងខែ មករា ឆ្នាំ​២០០៩​។ស្ថាបនា លីមីត​ធី​ត កំពុង​ធ្វើ​ប្រតិ​បត្ដិកា​រលើ​ឥណទាន​ខ្នាតតូចនិងមធ្យមប្រាក់ ​បញ្ញើ​-​សន្សំ សេវា​ផ្ទេរប្រាក់​ក្នុងស្រុក និងផលិតផលម៉ាស៊ីន ATM​។
២០១០-២០១៤ :
ក្នុងកំឡុងពេលប្រតិបត្តិការប្រាំឆ្នាំចុងក្រោយ ស្ថាបនា លីមីតធីត សម្រេចបានកំណត់ត្រាដ៏ល្អក្នុង អាជីវកម្មបើទោះជាមានការអូសបន្លាយនៃឥទ្ធិពលវិបត្តិហិរញ្ញវត្ថុពិភពលោកធ្ងន់ធ្ងនាដើមឆ្នាំ២០១០ ​និងវិវាទលទ្ធផលបោះឆ្នោតជាតិនាខែកក្កដា ឆ្នាំ២០១៣យ៉ាងណាក្តី។ ការគាំទ្រពីភាកទុនិកដ៏មាន
នសក្តានុពល ម៉ារ៉ូហាន់ ធនាគារជប៉ុន និងការដាក់បញ្ចូលអោយប្រើប្រាស់ប្រពន្ធ័ប្រតិបត្តិការធនាគារ
FLEXCUBE Core Banking ក្នុងឆ្នាំ២០១០ បានធ្វើអោយស្ថាបនា ទទួលបានការជឿទុកចិត្តយ៉ាងមុត
មាំក្នុងទីផ្សារហិរញ្ញវត្ថុ ដែលជំរុញអោយក្រុមហ៊ុនមានកំណើនប្រាក់បញ្ញើ-សន្សំ និងផលបត្រ័ឥណទាន
ក្នុងកំរិតមួយយ៉ាងខ្ពស់។ ផលបត្រ័ឥណទានបានកើនឡើងយ៉ាងលឿនពី៥៧,៧៧លានដុល្លារសហរដ្ឋ
អាមេរិកក្នុងឆ្នាំ២០១០ មកជាង ៣១១លានដុល្លារសហរដ្ឋអាមេរិក ក្នុងឆ្នាំ២០១៤ ជាមួយនឹងអតិថិជន
កើនឡើងពី ៤៣.៥៦៥នាក់ រហូតដល់ ៩៤.៨៥២នាក់ ដោយអាចរក្សារការសងត្រឡប់ទាន់ពេលក្នុង
កំរិត៩៩,៨៥%។  ហានិភ័យឥណទានច្រើនជាង៣០ថ្ងៃ (PAR>30) បានធ្លាក់ចុះពី០,២១% ក្នុងឆ្នាំ
២០១៣ មក ០,១៥% ក្នុងឆ្នាំ២០១៤​ដែលអាចចាត់ទុកថាជាគុណភាពផលបត្រ័ឥណទានដ៏ល្អប្រសើរ
បំផុតមួយក្នុងចំណោមមីក្រូហិរញ្ញវត្ថុលើពិភពលោក។ លើសពីនេះ ប្រាក់បញ្ញើរ-សន្សំ រួមមានគណនី
បញ្ញើសំចៃ និងគណនីមានកាលកំណត់ ទទួលបានការពេញនិយមក្នុងពីសំណាក់ប្រជាពលរដ្ឋ បន្ទាប់
ពីស្ថាបនា លីមីតធីត បានដាក់អោយប្រើប្រាស់នូវម៉ាស៊ីនATM នាដើមឆ្នាំ២០១៤កន្លងទៅ។ សមតុល្យ
ប្រាក់បញ្ញើរ-សន្សំ បានកើនឡើងយ៉ាងគំហុកពី១៧លានដុល្លារសហរដ្ឋអាមេរិកក្នុងឆ្នាំ២០១០ រហូត
ដល់១៦៦លានដុល្លារសហរដ្ឋអាមេរិក ក្នុងឆ្នាំ២០១៤ ជាមួយនឹងអតិថិជនកើនឡើងពី៣២.៤២១នាក់
មក៨៧.៥៥២នាក់។ ក្នុងឆ្នាំ២០១៣ ក្រុមហ៊ុនបានពង្រីកតំបន់ប្រតិបត្តិការរបស់ខ្លួនអោយបានដល់២៥
រាជធានី ខេត្ត ដោយជោគជ័យ និងបានបង្កើតកេរ្តិ៍ឈ្មោះល្បីសុះសាយជាគ្រឹះស្ថានមីក្រូហិរញ្ញវត្ថុជំរើស
ទីមួយក្នុងប្រទេសកម្ពុជា។ កេរ្តិ៍ឈ្មោះរបស់ស្ថាបនា លីមីតធីត ក្នុងសកម្មភាពមនុស្សធម៌ការកាត់បន្ថយ
ភាពក្រីក្រ ការការពារបរិស្ថាន និងការធ្វើសមាហរណកម្មសង្គម ត្រូវបានទទួលស្គាល់ទាំងក្នុងតំបន់ និង
នៅលើឆាកអន្តរជាតិ។ ជាលទ្ធផល ក្រុមហ៊ុន ត្រូវបានប្រគល់ពានរង្វាន់ Chief Security Officer Award (CSO)ពីសមាគមន៍ប្រជាជាតិអាស៊ីអាគ្នេយ៍ (ASEAN) ពានរង្វាន់ The Outstanding Retail MFI Award
ពីក្រុមហ៊ុនទិន្ន័យអន្តរជាតិ គ្រឿងឥស្សរិយសពីព្រះមហាក្សត្រនៃព្រះរាជាណាចក្រកម្ពុជាដើម្បីបង្ហាញ
ពីកិច្ចខិតខំប្រឹងប្រែងក្នុងការជួយអភិវឌ្ឍដល់ប្រទេស និងលិខិតសរសើរជាច្រើនទៀត។ ការគាំទ្រយ៉ាង
ខ្លាំងខ្លាពីសំណាក់រាជរដ្ឋាភិបាល ដៃគូភាគទុនិក ជាពិសេសពីអតិថិជនរបស់ខ្លួន ធ្វើអោយស្ថាបនា មាន
ជំនឿចិត្តយ៉ាងមុតមាំថាក្រុមហ៊ុន នឹងផ្តល់វិភាគទានបន្ថែមទៀតក្នុងការអភិវឌ្ឍសេដ្ឋកិច្ច និងលើកស្ទួយ
ជីវភាពគ្រួសារប្រជាពលរដ្ឋកម្ពុជាអោយរួចផុតពីភាពក្រីក្របានដោយជោគជ័យ។

​ចំណុច​សំខាន់​នៃ​ការវិវត្ដន៍​ :

២០១៤   ស្ថាបនា លីមីតធីត បន្តទទួលបានជោគជ័យគួរអោយកត់ សំគាល់ ក្នុងឆ្នាំ២០១៤ បន្ទាប់ពី គ្រឹះស្ថាន បានពង្រីកតំបន់ប្រតិបត្តិការរបស់ខ្លួនទូទាំង២៥ រាជធានី ខេត្ត ក្នុងព្រះរាជាណាចក្រកម្ពុជា។ ក្រុមហ៊ុនបានបើកអោយដំណើរការនូវសាខាថ្មីចំនួន៦ និងប៉ុស្តិ៍សេវាចំនួន៩ បន្ថែម ដែលធ្វើអោយ​ ការិយាល័យសរុប បានកើនឡើងដល់ ១២៦។ សេវាកម្ម ATM ដែលជាផលិតផលថ្មីរបស់ស្ថាបនា លីមីតធីតត្រូវបានដាក់អោយដំណើរការដោយជោគជ័យនិងទទួលបានប្រជាប្រិយភាពយ៉ាងខ្លាំងពី សំណាក់អតិថិជន។ និន្នាការរបស់គ្រឹះស្ថានក្នុងការផ្តល់ផលិតផលមីក្រូហិរញ្ញវត្ថុមានលក្ខណៈប្រកួត ប្រជែងប្រកបដោយសុវត្តិភាពខ្ពស់ និងការប្តេជ្ញាចិត្តរបស់បុគ្គលិកក្នុងការផ្តល់សេវាកម្មប្រកបដោយ វិជ្ជាជីវៈការងារជូនដល់អតិថិជនធ្វើអោយស្ថាបនា ក្លាយជាជំរើសទីមួយក្នុងទីផ្សារមីក្រូហិរញ្ញវត្ថុ កម្ពុជា។ជាលទ្ធផល ស្ថាបនា លីមីតធីត បានទទួលពានរង្វាន់ The Retail Outstanding MFI ពីក្រុម ទិន្នន័យអន្តរជាតិ (IDG) និងគ្រឿងឥស្សរិយសពីព្រះមហាក្សត្រនៃព្រះរាជាណាចក្រកម្ពុជាក្នុងឆ្នាំ ២០១៤។ គិតត្រឹមថ្ងៃទី៣០ ខែធ្នូ ឆ្នាំ២០១៤ សមតុល្យឥណទានសរុបបានកើនដល់ជាង៣១១លាន ដុល្លារនិងមានអតិថិជនប្រាក់កម្ចីសរុបចំនួន ៩៤.៨៥២នាក់។ ស្របពេលជាមួយគ្នានេះសមតុល្យ ប្រាក់បញ្ញើ-សន្សំបានកើនឡើងយ៉ាងគំហុករហូតដល់ជាង ១៦៦លានដុល្លារ ដែលមានអតិថិជនប្រាក់ បញ្ញើ-សន្សំសរុបចំនួន៨៧.១៧៩នាក់។ កំណើននេះបាននាំអោយស្ថាបនា លីមីតធីត ឈានជើងពី ចំណាប់ថ្នាក់លេខ៣ ទៅលេខ២កំពូលវិញ ក្នុងទីផ្សារមីក្រូហិរញ្ញវត្ថុ។កំណើនភាពជឿជាក់របស់ អតិថិជននិងការគាំទ្រយ៉ាងពេញទំហឹងពីដៃគូភាគទុនិករបស់ខ្លួន ធ្វើអោយស្ថាបនា មើលឃើញឱកាស ជោគជ័យរបស់ខ្លួនបន្ថែមទៀតក្នុងទីផ្សារមីក្រូហិរញ្ញវត្ថុកម្ពុជា ឆ្នាំ២០១៥ខាងមុខនេះ។

២០១៣    ​នេះ​ជា​ឆ្នាំ​ដ៏​ល្អ​សំ​រាប់មុខ​ជំនួញ​អាជីវកម្ម​នានា រួម​ទាំង​សំរាប់​គ្រឹះស្ថាន​មីក្រូហិរញ្ញវត្ថុ ស្ថាបនា លីមីត​ធី​តផងដែរ​។ក្រុមហ៊ុនទទួលបាន​ភាព​រីកចំរើន​យ៉ាងខ្លាំង​បើទួស​ជា​មាន​ វិបត្តិ​នយោបាយបណ្តាល មក​ពី​ការ​មិន​ទទួលយក​លទ្ធិ​ផល​បោះឆ្នោត​នា​ថ្ងៃ​ទី​២៨ ខែកក្កដា យ៉ាងណាក្តី ប៉ុន្តែ​ការ​ត្រឡប់​មក​វិញ​យ៉ាង​ឆាប់រហ័ស​នៃ​ស្ថេរភាព​សង្គម បាន​បង្ក​អោយ​មាន​ឱកាស​អាជីវកម្ម​ជា​ច្រើន​សំរាប់​សហគ្រិន​កម្ពុជា ក្នុង​ការពង្រីក​មុខ​ជំនួញ​របស់​ពួកគេ​អោយ​ទទួលបាន​ជោគជ័យ​។ស្ថាបនា លីមីត​ធី​តសម្រេចបាន​ជោគ ជ័យ​យ៉ាងខ្លាំង​ក្នុង​ឆ្នាំនេះដោយ​ក្រុមហ៊ុន​សម្រេចបាន​បេសកកម្ម​របស់​ ខ្លួនក្នុង​ការពង្រីក​សេវាកម្ម​មីក្រូ ហិរញ្ញវត្ថុ​អោយបាន​ដល់​គ្រប់​២៤ ខេត្ត​/​ក្រុង នៅ​ទូទាំង​ព្រះរាជាណាចក្រ​កម្ពុជា តាមរយៈ​ការិយាល័យ​ប្រតិបត្តិការ​របស់​ខ្លួន​សរុប​ចំនួន ១១១ និង​បុគ្គលិក​សរុប​ចំនួន ២.១៤៧​នាក់​។ គិត​ត្រឹម​ខែ ធ្នូ ឆ្នាំ​២០១៣ ផលប័ត្រ​ឥណទាន​បាន​កើនឡើង​ចំនួន​៥០% និង អាច​រក្សា​គុណភាព​ផលប័ត្រ​ឥណទាន​បាន​យ៉ាង​ល្អប្រសើរ ដោយ​ហានិភ័យ​ឥណទាន​ច្រើនជាង​៣០​ថ្ងៃ​មាន​ត្រឹមតែ ០,២% ប៉ុណ្ណោះ​។ គិត​ត្រឹម​ចុង​ខែ​ធ្នូ ឆ្នាំ​២០១៣ ផលប័ត្រ​ឥណទាន​សរុប​មាន​ចំនួន ១៨១,៥ លាន​ដុល្លារ​សហរដ្ឋអាមេរិក និង មាន​អតិថិជន​កម្ចី​សរុប​ចំនួន ៧៨.៨៦២​នាក់​។ សេវាកម្ម​ប្រាក់​បញ្ញើ​-​សន្សំ ដែល​ជា​ផលិតផល​ថ្មី​របស់​ក្រុមហ៊ុន បាន​ទទួល​ការពេញនិយម​យ៉ាងខ្លាំង ពី​សំណាក់​ប្រជាពលរដ្ឋ ដោយ​ទឹកប្រាក់​បាន​កើនឡើង​ពី ៦៦​លាន​ដុល្លារ​សហរដ្ឋអាមេរិក ក្នុង​ខែ​ធ្នូ ឆ្នាំ​២០១២ មក ៨០,៥​លាន​ដុល្លារ​សហរដ្ឋអាមេរិក គិត​ត្រឹម​ខែ​ធ្នូ ឆ្នាំ​២០១៣ ដែល​ធ្វើអោយ ស្ថាបនា លីមីត​ធី​ត ក្លាយ​ជា​គ្រឹះស្ថាន​មីក្រូហិរញ្ញវត្ថុ​លំដាប់​ថ្នាក់​លេខ​មួយ​ក្នុង​ ទីផ្សារ​ហិរញ្ញវត្ថុ លើ​ការប្រមូល​ប្រាក់​បញ្ញើ​-​សន្សំ​។ លទ្ធិ​ផល​នេះ​បាន​ឆ្លុះ​បង្ហាញ​ពី​កិច្ចខិតខំ​ប្រឹងប្រែង​របស់​ថ្នាក់​ គ្រប់គ្រង និង បុគ្គលិក​ទាំងអស់ក្នុង​ការចាត់ចែង​ប្រតិបត្តិការ​របស់​ខ្លួន​ដើម្បី​ទទួលបាន ​ការ ទុកចិត្ត​ពី​សំណាក់​ប្រជាពលរដ្ឋនិង​អាច​បង្កើន​កិត្យានុភាព​របស់​ក្រុមហ៊ុន​ អោយបាន​លេចធ្លោ​ឡើង​។​
​ស្ថាបនា គ្រោង​នឹង​ដាក់​អោយ​ដំណើរការ​ម៉ាស៊ីន​ATM ដែល​ជា​ផលិតផល​ថ្មី​របស់​ក្រុមហ៊ុន​នា​ឆ្នាំ​២០១៤ ផងដែរ​។ 

ទស្សនៈវិស័យ និង បេសកកម្ម

ទស្សនៈវិស័យ : ជាស្ថាប័នហិរញ្ញវត្ថុដែលឈានមុខគេ ក្នុងការកសាងសហគ្រិនក្នុងសហគមន៍
អាស៊ីអាគ្នេយ៍។

បេសកកម្ម  : បំពាក់សក្តានុពលដល់សហគ្រិននិងបង្កើតការងារសំដៅលើកកំពស់ជីវភាពរស់នៅ
របស់ ពួកគាត់តាមរយៈការទទួលបានសេវាកម្មហិរញ្ញវត្ថុប្រកបដោយនិរន្តរភាព។

សាខារបស់ស្ថាបនានៅ បន្ទាយមានជ័យ

​សាខា​បន្ទាយមានជ័យ    ​ផ្ទះ​លេខ ៦២៧-៦២៨ ផ្លូវជាតិ​លេខ​៥ ក្រុម​២ ភូមិ​រោង​ម៉ាស៊ីន សង្កាត់​អូរ​អំបិល ក្រុង​សេរី​សោ​ភ​ណ្ឌ័ ខេត្ដ​បន្ទាយមានជ័យ​ Tel: ០៩៦ ៨៥១ ៣៦៦៦, ០៩៦ ៨៥១ ៤៦៦៦

អានបន្ថែម
​